Skylling og tilberedning

Skylling -for å fjerne saponin: Quinoaens naturlige forsvar

Quinoafrø har eit tynt lag med saponin rundt seg. Dette er eit bitterstoff som holder fuglar, insekter og andre skadegjerarar borte frå frøa. Saponin er ikkje farlig men dersom du et ubehandla quinoa vil det smake bittert og du kan få litt vondt i magen. Norsk Quinoa fjernar mesteparten av saponinet før pakking. Likevel vil det vere litt igjen på frøa og denne bør du skylle bort for at det ikkje skal smake bittert. Det holder å skylle godt i kaldt vatn før du har i kokevatn.  

Dersom quinoaen smaker litt bittert bør du skylle meir. Med mindre du likar bittersmaken da. 

Tilberedning

Eg brukar å koke quinoaen i rikelig vatn, og så helle av det overflødige i eit dørslag. Men dersom du vil ha eksakt mål, så kan du ta to deler vatn på ein del quinoa. Ein god framgangsmåte er å ha kaldt vatn og quinoa i ei kasserolle og koke opp. Etter oppkok reduserer du varmen og lar quinoaen trekke i 10-15min. Det er viktig å ikkje koke den for mykje, for å beholde smak og konsistens. Når "spirehalen" til frøa byrjar såvidt å løsne er quinoaen som regel klar. Smak deg fram! Quinoaen skal, som pastaen, vere "al dente"; altså gjennomkokt men med litt bitemotstand. Litt god buljong i rikelig kokevatn og vips så har du ein god kveldsmat! 

Tips til enkle rettar:

Dersom du kokar quinoa, kok gjerne litt ekstra. Den holder seg fint nokre dagar ferdigkokt i kjøleskapet. Så kan du bruke den ferdigkokte quinoaen for å tilføre super næring i til dømes:

  • Strø over salaten
  • Bland med egg i omelett
  • I pannekake- eller vaffelrøre
  • I brøddeig

Ellers får du eit deilig og raskt måltid ved å kutte opp litt grønnsaker, brasere raskt i steikepanna saman med ukokt quinoa, helle på vatn og litt buljong og la trekke i 15min. Og viss du blandar egg og kokt quinoa i ein eller annan form så får du etter mi meining den lunsjen som holder deg gåande lengst når du skal arbeide.

Det skal ikkje vere nødvendig å skylle så nøye men gjer du som i videoen under så er du heilt sikker.

Godt måltid!

Turn your Facebook Page into a website, instantly.

Try now for 14 days FREE

No credit card required, unsubscribe at any time. pagevamp.com